| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.232 | Dem. 18.234 (English) | >>Dem. 18.238 |
18.233ἀλλὰ μὴ δευρὶ παρήνεγκα ), ἀλλʼ ἐπʼ αὐτῶν τῶν ἔργων ἂν ἐσκόπει τίνας εἶχεν ἀφορμὰς ἡ πόλις καὶ τίνας δυνάμεις , ὅτʼ εἰς τὰ πράγματʼ εἰσῄειν , καὶ τίνας συνήγαγον αὐτῇ μετὰ ταῦτʼ ἐπιστὰς ἐγώ , καὶ πῶς εἶχε τὰ τῶν ἐναντίων . εἶτʼ εἰ μὲν ἐλάττους ἐποίησα τὰς δυνάμεις , παρʼ ἐμοὶ τἀδίκημʼ ἂν ἐδείκνυεν ὄν , εἰ δὲ πολλῷ μείζους , οὐκ ἂν ἐσυκοφάντει . ἐπειδὴ δὲ σὺ τοῦτο πέφευγας , ἐγὼ ποιήσω · καὶ σκοπεῖτʼ εἰ δικαίως χρήσομαι τῷ λόγῳ .
δύναμιν μὲν τοίνυν εἶχεν ἡ πόλις τοὺς νησιώτας , οὐχ ἅπαντας , ἀλλὰ τοὺς ἀσθενεστάτους · οὔτε γὰρ Χίος οὔτε Ῥόδος οὔτε Κέρκυρα μεθʼ ἡμῶν ἦν · χρημάτων δὲ σύνταξιν εἰς πέντε καὶ τετταράκοντα τάλαντα , καὶ ταῦτʼ ἦν προεξειλεγμένα · ὁπλίτην δʼ ἢ ἱππέα πλὴν τῶν οἰκείων οὐδένα . ὃ δὲ πάντων καὶ φοβερώτατον καὶ μάλισθʼ ὑπὲρ τῶν ἐχθρῶν , οὗτοι παρεσκευάκεσαν τοὺς περιχώρους πάντας ἔχθρας ἢ φιλίας ἐγγυτέρω , Μεγαρέας , Θηβαίους , Εὐβοέας .
18.235τὰ μὲν τῆς πόλεως οὕτως ὑπῆρχεν ἔχοντα , καὶ οὐδεὶς ἂν ἔχοι παρὰ ταῦτʼ εἰπεῖν ἄλλʼ οὐδέν · τὰ δὲ τοῦ Φιλίππου , πρὸς ὃν ἦν ἡμῖν ὁ ἀγών , σκέψασθε πῶς . πρῶτον μὲν ἦρχε τῶν ἀκολουθούντων αὐτὸς αὐτοκράτωρ , ὃ τῶν εἰς τὸν πόλεμον μέγιστόν ἐστιν ἁπάντων · εἶθʼ οὗτοι τὰ ὅπλʼ εἶχον ἐν ταῖς χερσὶν ἀεί · ἔπειτα χρημάτων ηὐπόρει καὶ ἔπραττεν ἃ δόξειεν αὐτῷ , οὐ προλέγων ἐν τοῖς ψηφίσμασιν , οὐδʼ ἐν τῷ φανερῷ βουλευόμενος , οὐδʼ ὑπὸ τῶν συκοφαντούντων κρινόμενος , οὐδὲ γραφὰς φεύγων παρανόμων , οὐδʼ ὑπεύθυνος ὢν οὐδενί , ἀλλʼ ἁπλῶς αὐτὸς δεσπότης , ἡγεμών , κύριος πάντων .
18.234
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.232 | Dem. 18.234 (English) | >>Dem. 18.238 |
